Nº de visitas: 1038370

Programa de actos con motivo da conmemoración do 25N. Do 12 ao 28 de novembro
10/11/2025    Máis novas

Informámosvos do programa de actos, que, con motivo da conmemoración do 25N, Día Internacional da eliminación da violencia contra a muller, organiza o Concello de Vigo en colaboración co Consello Municipal da Muller.

O programa inclúe numerosos e diversos actos de interese desde o mércores 12 de novembro, ata o venres 28 de novembro: charlas divulgativas, actuacións musicais, proxección de filmes , obras de teatro, xornadas formativas, sesións para escolares, etc.

O programa comeza este mércores 12 de novembro coa actuación musical de "XOANA" no Auditorio Municipal (Praza do Rei) ás 19:00 h.

Agás indicación contraria todas as actividades teñen entrada libre ata completar a capacidade do local.

As xornadas formativas sobre "A cosificación e a mercantilización do corpo das mulleres" celebraranse de forma presencial as tardes dos días 17 e 18 de novembro. Será necesaria a inscrición previa enviando o formulario adxunto (está en formato editable para encher os datos) ao enderezo electrónico: xornadas.igualdade@vigo.org
A organización confirmará a dispoñibilidade de praza. Ao remate das xornadas entregase diploma de asistencia ás persoas que asistisen á totalidade das sesións formativas.

Descarga de documentos anexos para obter información completa do programa de actos e do programa específico das xornadas formativas dos días 17 e 18 de novembro así como o seu formulario de inscrición.

ARQUIVOS ADXUNTOS:
formulario_inscricion_xornadas_.pdf  260 KB
programa_xornadas_formativas_17_e_18_novembro.pdf  2051 KB
programa_de_actos_novembro_25N.pdf  2577 KB