Nº de visitas: 966863

Colgada na web a primeira relación de cursos que se realizarán nas asociacións e vogalías da muller
23/09/2010    Máis novas

A Concellería de Igualdade promove anualmente a convocatoria dun programa de formación e tempo libre en colaboración con asociacións promotoras de igualdade da cidade. Os cursos desenvólvense nestas entidades, que son as asociacións de mulleres e vogalías da muller das asociacións veciñais adheridas ao programa.

A Concellería oferta 72 horas de formación durante o período do programa que abrangue desde o mes de outubro de 2010 a xuño de 2011 dirixido especialmente ás mulleres maiores de 18 anos, aínda que no módulo de igualdade de oportunidades poden participar tamén os homes.

As persoas interesadas en realizar algún curso deberán poñerse en contacto coas asociacións e vogalías da muller das asociacións veciñais para solicitar información dos módulos formativos elixidos polas entidades. As inscricións formalizaranse nos locais das asociacións e terán prioridade as mulleres (e os homes no caso do módulo de igualdade) que pertenzan ao barrio.

Pódese obter máis información do programa no arquivo adxunto que leva por nome "folleto".
Pódese consultar a relación de cursos que están autorizados pola concellería no arquivo adxunto que leva por nome "listado web"

ARQUIVOS ADXUNTOS:
FOLLETO_2010_11.pdf  970 KB
listado_web.pdf  168 KB