Nº de visitas: 993876

Durante estes anos 25 anos de andaina o Consello Municipal da Muller constituíu un papel favorecedor do encontro das asociacións e entidades que traballan a prol das mulleres en Vigo, adquirindo un papel participativo e aglutinador das políticas a favor da igualdade de oportunidades e trato das mulleres nos distintos ámbitos de intervención municipal.

• Estudar e emitir informes sobre temas que considere de interese para as mulleres.
• Promover e priorizar iniciativas da Concellería de Igualdade e outras institucións derivadas das análises, estudos e demandas realizadas sobre temas relativos ás mulleres.
• Potenciar a coordinación entre as institucións que actúen neste eido en Vigo.
• Propoñer actuacións e acordos ás diversas concellerías, á Corporación, aos consellos municipais e a cantas institucións incidan co seu quefacer, ou coas súas omisións, no ámbito da muller.
• Analizar as actuacións e intervencións que no ámbito da muller se dean na cidade para darlles resposta.
• Informar, debater e difundir os temas e dereitos das mulleres.
• Fomentar a presenza e participación das mulleres en todos os ámbitos.
• Apoiar e fomentar o asociacionismo das mulleres para acadar a meirande participación e solidariedade.

• 1994. Reivindicación da presenza de mulleres nas adxudicacións públicas, como en Vitrasa.

• 1995. Difusión dun manifesto e recollida de sinaturas para denunciar a impunidade coa que actúan os agresores que exercen violencia de xénero amparada na lentitude da xustiza e a ambigüidade das leis.

• 1997. Proposta ao Pleno do Concello de Vigo para que exerza a acusación particular en canta causa penal se desenvolva en Vigo relativa á privación da custodia do/a menor, con quebrantamento de resolución xudicial.

• 1998. Proposta  ao pleno do Concello de Vigo na que se manifestaba a condena ao terrorismo de xénero e se solicitaba que a totalidade dos concellos de Galicia se dotasen dun programa integral contra os malos tratos.

• 1998. Manifesto dirixido ao Pleno do Concello de Vigo no que se pide a condena da violencia doméstica e todo tipo de violencia de xénero, e reclamar a adopción inmediata de todas as medidas xurídicas, sociais e políticas precisas para protexer a vida, a dignidade e a equipotencia social das mulleres

• 1998. Acordo dirixido ao pleno do Concello de Vigo para que se constitúa en parte nos casos de agresións a mulleres

• 2000. Proposta ao Concello de Vigo para que manifeste a súa condena do terrorismo de xénero, mediante a convocatoria dunha concentración cada vez que se produza un novo asasinato, e apoie as convocadas pola rede de mediadoras veciñais e polas asociacións de mulleres en xeral.

• 2000. Proposta dirixida ao Pleno do Concello de Vigo para designar co nome de “8 de marzo” a praza da Avenida das Camelias.

• 2002. Proposta de creación do segundo Xulgado de Familia na cidade.

• 2.003. Comunicado de rexeitamento ás guerras  “A guerra non é a solución”.

• 2003. Comunicado polo que se pide a dimisión dos responsables do afundimento do “Prestige”.

• 2004.Proposta dirixida ao Pleno do Concello de Vigo para que manifeste a súa condena á violencia de xénero mediante a convocatoria dunha concentración na praza do Rei e a gardar un minuto de silencio en cada sesión plenaria, cada vez que se produza un novo asasinato.

• 2007. Proposta para considerar os funerais de mulleres asasinadas por mor da violencia de xénero como funerais de rango público, nos que as autoridades presidan o acto.

• 2010. Solicita o ingreso de María Xosé Queizán na Real Academia Galega.

• 2010. Elabora un dossier coa biografía de 27 mulleres que tiveron un papel destacado no desenvolvemento da cidade, co obxecto de reivindicar a súa visibilidade e memoria no bicentenario de Vigo. 

• 2011. Comunicado de rexeitamento do “Anteproxecto de Lei de apoio á familia e á convivencia en Galicia” da Xunta de Galicia.

• 2011. Organización dos I Encontros de Consellos Municipais da Muller

• 2012. Inauguración do Roteiro en Feminino “Sons de mulleres” con sinalizacións verticais na rúa, para recoñecer o labor de mulleres da nosa cidade de diferentes ámbitos, e dentro del un espazo público co nome de 25 de novembro, Día Internacional contra a Violencia de Xénero.

• 2013. Apróbase instaurar un Premio pola Igualdade co nome de Ernestina Otero.

• 2013. Manifesto de rexeitamento sobre a reforma da Lei do aborto.

• 2013. Adhesión á plataforma pola defensa do dereito ao aborto.

• 2016. Proposta ao Concello de Vigo para que no marco do proxecto municipal de arte mural empregue a Praza “8 de marzo” para a realización dun mural co lema “Vigo libre de violencias machistas”.

• 2011-2018. Colaboración na iniciativa municipal “EnlazaVigo contra a violencia de xénero”.

• 2017. Manifesto de rexeitamento á actuación de Jorge Cremade en Vigo polo seu carácter marcadamente machista e no que alude de xeito frívolo ás agresións contra as mulleres.

• 2016-2018. Colaboración na organización das Xornadas Municipais “Unidas contra as Violencias Machistas”

• Creación de comisións de traballo co fin de colaborar coa Concellería de Igualdade na organización de campañas en torno ás datas conmemorativas do 8 de marzo “Día Internacional das Mulleres”, e 25 de novembro, “Día Internacional da eliminación da violencia contra as mulleres”.

• Convocatoria de manifestacións e difusión de comunicados de repulsa ante os casos de mulleres asasinadas por motivo da violencia de xénero.

• Apoia as manifestacións contra o desmantelamento da Sanidade Pública convocadas pola Plataforma para a Defensa da Sanidade Pública e a Xunta de Persoal do SERGAS.

• Vixilancia e denuncia da publicidade sexista.

• Propostas e suxestións aos proxectos de plans municipais de igualdade e contra a violencia de xénero que aprobaron os diferentes gobernos municipais logo da aprobación inicial no Consello Municipal da Muller.

• Impulso á creación de espazos propios como a Casa das Mulleres, servizo adscrito á Concellería de Igualdade, situado na r/ Romil, 20.

• Comunicados de repulsa contra as manifestacións sexistas e discriminatorias de algúns cargos políticos, relixiosos…

• Propostas de nomes de mulleres para incluír no rueiro municipal.

Descargar documento completo (.pdf)

DOCUMENTAL: Consello municipal da muller de Vigo - 25 anos facendo camiño

Un documental que retrata os logros dos últimos 25 anos do Consello Municipal da Muller de Vigo, organismo pioneiro en España que serviu de referencia para outros e que forma parte da historia do feminismo da cidade.  Trázanse os momentos decisivos por medio de material de arquivo e entrevistas ás asociacións de mulleres e secretarías da muller de sindicatos hoxe inscritas. Unha mirada ao pasado que reflexiona tamén sobre o presente e o futuro das últimas manifestacións do 8M.

Dirixido por Xisela Franco.
Duración: 33:22 min.

Ver documental