Concello de Vigo: Concellería de Igualdade

Coeducación

Camiña con nós pola Igualdade

“ CAMIÑA CON NÓS POLA IGUALDADE” é un proxecto que se enmarca no IV Plan Integral de Igualdade de Oportunidades entre mulleres e homes do Concello de Vigo, aprobado pola corporación municipal o 25 de novembro de 2009 para o período 2009/2012.
Camiña con nós pola Igualdade é un programa educativo elaborado e implementado dende a Concellería de Igualdade do Concello de Vigo, dirixido ao alumnado de Educación Infantil e 2º,4º e 6º de Primaria.
A finalidade do programa é fomentar a educación na cultura de igualdade de oportunidades entre nenas e nenos desde a comunidade educativa para promover a coeducación e previr a violencia de xénero.

Descarga díptico curso 2010-2011

A continuación podes consultar nesta web a memoria de edicións anteriores:

Memoria 5ª edición curso 2009/2010: Memoria 4ª edición curso 2008/2009:

Memoria do programa curso 2007/2008 Memoria do programa curso 2006/2007 Memoria do programa curso 2005/2006
Aquí podes consultar os Blogs do profesorado onde se comparte o traballo realizado nas aulas en edicións anteriores do programa:
Blog cole Ceip Mestres Goldar http://miaulatic.blogspot.com.es/2017/06/camina-con-nos-pola-igualdade.html http://ocurrunchodoprimeirociclo.blogspot.com.es/2016/02/camina-con-nos-pola-igualdade.html http://www.edu.xunta.gal/centros/ceipmestresgoldar/node/443 Blog cole CEIP O Pombal: http://ceipopombal.blogspot.com.es/2017/03/obradoiro-de-igualdade-de-xenero.html Blog cole Ceip Eduardo Pondal: http://www.edu.xunta.gal/centros/ceippondalvigo/?q=node/375 Blog cole CEIP Rías Baixas: http://educacioninfantilriadevigo.blogspot.com.es/2014/03/camina-con-nos-pola-igualdade.html Blog cole Valle Inclán: eva-pequenosgenios.blogspot.com/2011/04/caminando-pola-igualdade.html Blog cole CEIP Frian-Teis: http://www.edu.xunta.gal/centros/ceipfrian/node/3059 Blog cole EEI Rúa Aragón: http://escolainfantilruaaragon.blogspot.com.es/2013/02/caminando-pola-igualdade.html www.edu.xunta.es/centros/eeiruaaragon/galeria/displayimage.php Blog cole EEI Monte da Guia: http://montedaguia.blogspot.com.es/2014/03/obradoiro-de-igualdade.html montedaguia.blogspot.com/2010/02/dende-concelleria-de-igualdade-do.html montedaguia.blogspot.com/2009/03/obradoiros-pola-igualdade.html montedaguia.blogspot.com/2010/05/camina-con-nos-pola-igualdade-feche.html montedaguia.blogspot.com/2011/01/igualdade-at-onetruemediacom.html Blog EEI Monte do Alba: centros.edu.xunta.es/eeimontedealba/2010-11/obradoiro%20igualdade/igualdade.htm Blog cole CEIP Altamar: centros.edu.xunta.es/ceipaltamar/ Blog cole CEIP Alfonso D. Rodríguez Castelao: picaroscastelao.blogspot.com/2011/05/camina-con-nos-pola-igualdade.html

Benvidas/Vanakkam

O Concello de Vigo repartirá 500 unidades didácticas en diversos centros de ensino da cidade co obxectivo de facilitar ao profesorados ferramentas coas que profundizar na igualdade entre nenos e nenas, segundo anunciou este mércores a concelleira de Igualdade, Iolanda Veloso.
A edil explicou que esta iniciativa, que se desenvolve en colaboración coa asociación Implicadas/os no Desenvolvemento, pretende axudar ao profesorado de 3º e 4º da ESO a traballar aspectos relacionados co xénero, a interculturalidade e a situación sociocultural de Tamil Nadu, na India.

Iolanda Veloso salientou que Implicadas/os no Desenvolvemento se centra no traballo coas mulleres para promover a súa autonomía "proporcionando ferramentas para que poidan cambiar a súa vida e o seu contorno". Neste sentido, indicou que a unidade didáctica elaborada por esta entidade proporciona un amplo material ao profesorado para que poida traballar nos diferentes temas propostos dun xeito dinámico. Segundo sinalou a concelleira nacionalista, a proposta inclúe exemplos de situacións similares de mulleres de diferentes culturas, como pode ser no tocante a roupa e o papel que xoga a saia en occidente e o sari na India.

A escritora María Reimóndez, pola súa banda, explicou que a unidade didáctica que se repartirá nos centros educativos está baseada nun libro no que se recollen textos de autoras galegas e tamiles nos que se poñen en dúbida diversos estereotipos relacionados coas mulleres. Segundo a representante de Implicadas/os no Desenvolvemento, que desenvolve o seu traballo intercultural coa India e Etiopía, os obxectivos da unidade didáctica inclúen achegarse á literatura feita dende outras culturas, entender os problemas derivados do xénero cun enfoque global, desmitificar algúns aspectos existentes sobre a India e provocar unha reflexión crítica sobre as diferenzas por causa do xénero.

Descargar unidade didáctica

Xogo Planeta Igualdade

O xogo coeducativo "Planeta Igualdade" nace a partir do desenvolvemento do programa da Concellaría da Muller "Camiña con nós pola igualdade", que ten como obxectivo principal fomentar a educación en igualdade de oportunidades entre nenas e nenos desde a comunidade educativa, así como promover a coeducación para previr a violencia de xénero. Un total de 20 centros educativos e 1.750 alumnos e alumnas participaron nesta iniciativa no curso 2005-2006. A maioría das caixiñas do taboleiro inclúen reproducións de debuxos e collages feitos por alumnos/as de 6º de Primaria dos centros: Chans Bembrive, A Doblada, Escultor Acuña, Fonte Escura, Javier Sensat, Otero Pedraio e Santa Mariña.

Xogar

Exposición "O Planeta da Igualdade"

-Exposición permanente “Planeta de Igualdade”
Visitas libre de martes a domingo dende as 10,00 ata ás 19,00 horas
Visitas guíadas previa concentración de cita no telefóno 986 240 130

Lugar: Museo Verbum-Casa das Palabras. Avenida de Samil, 17 Cubo M. O Planeta da Igualdade
http://www.verbum.vigo.org/

Cubo LL. O Planeta da Igualdade

Información da exposición

Exemplos de xogos da Exposición "O Planeta da Igualdade"

- Xogo do Puzzle

- Xogo Memory

Corresponsabilidade

O traballo e as responsabilidades domésticas e a igualdade de oportunidades entre homes e mulleres.
Entendemos por traballo toda actividade destinada á producción e reproducción da vida humana, aínda que habitualmente este termo sexa utilizado como sinónimo de emprego. Non embargantes, emprego é aquela parte do traballo que se intercambia por traballo.

Guía didáctica , dirixida ao profesorado
Guía de corresponsabilidade , dirixida ao alumnado da ESO

12.000 exemplares da Guia de corresponsabilidade:¡Rebélate estás na idade! se distribuiron entre o alumnado de secundaria da cidade e cos seus contidos se mostra aos mozos e as mozas as desigualdades existentes entre homes e mulleres á hora de repartiren as tarefas do fogar, e anima a implicarse na súa resolución e asumir responsabilidades nas súas propias casas".

Escolle xoguetes non sexistas

Unidade didáctica

Folleto

Educación en valores

Educación en valores é un espazo web multilingüe, e plural que ten por
obxecto facilitar e aglutinar ferramentas de traballo , información e
orientación para o profesorado. Nesta web pódese atopar moita información
sobre: experiencias e boas prácticas, xornadas, ferramentas didácticas
(unidades, guías, xogos, etc) descarga de programas, así como moitos
enlaces web interesantes. Algúns dos seus apartados tratan sobre a
educar na igualdade e na prevención da violencia.

http://www.educacionenvalores.org/

Non deixes de consultar nesta web dous espazos adicados especialmente á
Galicia:

http://www.educacionenvalores.org/mot.php3?id_mot=63

http://www.educacionenvalores.org/sommaire.php3?lang=gl

Convocatoria de Incentivos para promover accións ou programas de igualdade de oportunidades e eliminación de elementos de discriminación sexista nos centros educativos

Convocatoria de Incentivos para promover accións ou programas de igualdade de oportunidades e eliminación de elementos de discriminación sexista nos centros educativos.

Dirixidos aos centros de ensino de primaria e secundaria públicos e privados concertados da cidade.

Data de publicación: 23/01/2008
Data de fin de plazo: 30/04/2008

Documentación:
Bases da convocatoria
Anexo 1: Impreso de solicitude
Anexo 2: Certificado