O Observatorio Municipal de Xénero é un instrumento municipal, dependente da Concellería de Igualdade do Concello de Vigo, que ten como función recoller as queixas e suxestións da cidadanía e organizacións en relación coa igualdade de xénero


O Observatorio pretende recibir as reclamacións cidadás sobre calquera situación que vulnere o dereito da igualdade de oportunidades na cidade de Vigo, e difundir datos e estudos específicos sobre a situación das mulleres no noso contorno.

Entre as súas funcións están:

- A recepción, canalización e investigación das reclamacións e denuncias de situacións de discriminación por razón de sexo realizadas pola cidadanía.
- Formulación de recomendacións, e propostas destinadas ás iniciativas públicas e privadas.
- Proporcionar datos, informacións e estudos realizados sobre a situación das mulleres no noso contorno.
- Identificar e analizar as desigualdades existentes nos distintos ámbitos da vida das cidadás de Vigo.
- participar e articular o seguimento e avaliación do IV Plan de Igualdade Municipal.
- Dar conta periodicamente da xestión levada a cabo ao Consello Municipal da Muller.
- A avaliación do impacto na sociedade viguesa das políticas de igualdade que se están poñendo en marcha.