Nº de visitas: 966859

Actividade aprazada.Visita guiada á ruta en feminino "Sons de mulleres" a cargo de María Casar
10/03/2020    Máis novas

O sábado 14 de marzo da man de María Casar percorreremos a ruta en feminino "Sons de Mulleres.
15 puntos integran este roteiro, que ten como obxectivo visibilizar ás mulleres que, individual ou colectivamente, teceron a historia de Vigo.

O Roteiro em Feminino “Sons de mulleres” lévanos por quince pontos, situados, fundamentalmente no casco histórico polos que dun ou doutro xeito, as mulheres deixarom a súa pegada e a súa contribución á identidade de Vigo, aínda que a propia historia da cidade as teña silenciadas.

No Roteiro hai espacios que son froito das reivindicacións e do traballo máis recente do Movemento Feminista: a Praza 8 de Marzo, o Centro de Documentación Feminista ou a Casa das Mulleres; lugares que recuperam a memoria de mulleres vítimas da represión franquista: Urania Mella, Olimpia Valencia ou Rosario Hernández -A Calesa-, que loitaron pola liberdade nas rúas da cidade, nos sindicatos e na vangarda cultural e mesmo nas barricadas da resistencia; espacios de Pedagogas que defenderon os dereitos das mulleres, loitando por unha educación que aínda hoxe é soño de futuro: Concepción Arenal, Ernestina Otero ou Antia Cal; lugares de creación artística e literaria, como foi a imprenta de Juan Compañel onde Rosalía de Castro sacou do prelo en 1863 “Cantares gallegos”; e lugares que recoñecen o compromiso político, o traballo nas conserveiras, na ribeira do Berbés ou as ostreiras, nos lavadoiros comunais ou nos mercados, ou ás mulheres que tiveron que emigrar.


Data: sábado 14 de marzo ás 11:00 h
Punto de encontro: Paseo de Afonso


Máis información nos arquivos adxuntos

ARQUIVOS ADXUNTOS:
folleto_informativo_visita_guiada_marzo_2020.pdf  331 KB
55526933_2386674148012012_9115404650751721472_n.jpg  132 KB