Concello de Vigo: Concellería de Igualdade

Novas

Aberto o prazo de inscrición para o Obradoiro de Autoprotección para mulleres
12/03/2020

Dirixido a mulleres maiores de 18 anos empadroadas en Vigo, agás alumnas derivadas polo Centro Municipal de Información dos Dereitos da Muller.

Obxectivos e contidos:
O obxectivo deste obradoiro é proporcionarlles ás asistentes uns coñecementos e habilidades básicas de autoprotección que lles permitan mellorar a súa seguridade persoal e ter un plan de seguridade con medidas que lles axuden a previr a agresión, ou, senón fose posible, saír dela con máis garantías. Estes coñecementos están pensados para que poidan ser de utilidade ante calquera imprevisto de carácter violento que poida acontecerlles na súa vida particular.

No transcurso das sesións formativas as alumnas aprenderán a identificar situacións de risco, a estar alerta ante tentativas de agresión, e aprenderán e practicarán habilidades, técnicas e recursos para a súa protección e defensa... Esta formación permitiralles mellorar a súa capacidade de reacción, a súa autoestima e a súa confianza persoal.

As sesións serán impartidas por instrutores da Policía Local. Lugar: instalacións da Policía Local.
A folla de inscrición deberá remitirse cuberta e asinada preferentemente ao seguinte enderezo electrónico ofi.muller@vigo.org. Só nos casos nos que non se poida realizar a inscrición vía email poderá realizarse persoalmente na Concellería de Igualdade (1º andar da Casa do Concello), de luns a venres en horario de 9:00 a 13.30 h.
Pódese consultar a información completa da actividade (datas, horarios, procedemento de inscrición, etc) no arquivo informativo adxunto así como descargar a folla de inscrición en formato editable.

ARQUIVOS ADXUNTOS:
informacion_Curso_autoproteccion_para_mulleres._Concelleria_de_Igualdade.pdf 132 KB
FOLLA_DE_INSCRICIoN_AUTOPROTECCIoN_2020.pdf 127 KB

		• 8 de Marzo Día Internacional da Muller • 25 de Novembro Día Internacional da eliminación da Violencia contra a Muller
	Novas