Nº de visitas: 966518

Programa de actividades da Casa das Mulleres para o período:setembro a decembro. Aberto prazo de inscrición
12/09/2024    Máis novas

OBRADOIRO DE CANTO PARA MULLERES “CON VOZ PROPIA”
• Destinado a: mulleres maiores de 18 anos ás que lles guste cantar. Non se precisa cantar “ben”.
• Formadora: Cristal Méndez Queizán.
• Obxectivos:
◦ Fomentar o apoderamento e a propia estima.
◦ Explorar e liberar os recursos expresivos da voz e do corpo.
◦ Incrementar a conciencia e os coñecementos sobre o funcionamento da voz, a respiración e as sensacións, para mellorar a voz e, tamén, a saúde e o benestar.
◦ Recoñecer e valorar as posibilidades expresivas de cada voz..
◦ Recoñecer recursos persoais empregando o canto e o movemento como medio.
◦ Construír novas maneiras de relacionarnos coas demais e con nós mesmas, empregando o canto e o movemento como medio.
◦ Aprender a autorregulación do sistema nervioso.
◦ Descubrir o potencial das sensacións e as experiencias somáticas.
◦ Promover os valores de inclusión, integración e respecto da diversidade.
• Descrición: empregando o canto e o movemento exploraremos a capacidade expresiva e emocional das nosas voces e corpos, para recoñecernos e apoderarnos ao tempo que aprendemos a autorregulación. Neste obradoiro o canto e o movemento son un medio, non un obxectivo, polo que non é preciso “cantar ben” e basta coa intención de gozar xuntas a través do canto e o movemento.
• Contidos:
◦ Respiración e control diafragmático.
◦ Exercicios vogais.
◦ Conciencia do corpo e as súas sensacións.
◦ Habilidades expresivas: exploración corporal do son a través do movemento e a danza, improvisación e composición, canto e improvisación coral, canto e improvisación individual e escoita consciente e activa das nosas voces.
• Metodoloxía: utilizaranse moitos recursos da Músico-Terapia e da Danza-Terapia adaptados ás necesidades individuais de todas as participantes. Tamén se usarán recursos da técnica “Experiencia Somática” e da “Teoría Polivagal” para regular o sistema nervioso. O noso método é participativo e inclusivo, favorecendo o benestar e a integración no grupo así como a creación dun “espazo seguro e respectuoso” para que todas poidan expresarse e experimentar en liberdade.
• Temporalización:
◦ Duración: 12 sesións. 36 horas.
◦ Datas: os luns, do 30 de setembro ata o 16 de decembro.
◦ Horario: de 18:00 a 21:00.
• Inscrición e participación na actividade:
◦ Inscrición previa (ver proceso de inscrición).
◦ Grupos con capacidade limitada


OBRADOIRO DE AUTOESTIMA FEMININA: TI O VALES.
• Destinado a: mulleres maiores de 18 anos.
• Formadoras: Beatriz Monroy Cardoso, psicóloga.
• Obxectivos:
◦ Coñecer como se constrúe e evoluciona a nosa identidade dende unha perspectiva psicolóxica e sexual.
◦ Reflexionar sobre como a influencia das crenzas e modelos a seguir inflúen na nosa imaxe e estima persoal.
◦ Identificar e potenciar as nosas fortalezas e recursos internos para mellorar a nosa autoestima.
• Contidos:
◦ Desenvolvemento da identidade: exploraremos como evoluciona a nosa identidade ao longo do tempo e como se forma.
◦ Creenzas e estereotipos: reflexionaremos sobre como os mandatos, crenzas e estereotipos nos afectan, así como os roles e identificacións que asumimos.
◦ Factores internos: identificaremos factores como as autoesixencias, idealizacións, medos e culpas que condicionan a nosa autoestima.
◦ Niveis de conciencia: profundizaremos nos niveis de conciencia mental, emocional, física e social, e como as contradicións nestes niveis nos afectan.
◦ Integración da identidade: traballaremos na integración saudable da nosa identidade, para saber valorarse de maneira adecuada e realista.
• Temporalización:
◦ Duración: 8 sesións. 16 horas.
◦ Datas: os xoves, do 10 de outubro ata o 28 de novembro.
◦ Horario: xoves de 18:00 a 20:00.
• Inscrición e participación na actividade:
◦ Inscrición previa (ver proceso de inscrición. Ficha de inscrición específica)
◦ Participación na actividade: condicionada a ter praza confirmada.


OBRADOIRO “SÁCALLE PARTIDO AO TEU MÓBIL”
• Destinado a: mulleres maiores de 18 anos con coñecementos básicos no manexo do móbil.
• Formadora: Uxía Cazorla Silva.
• Obxectivo: proporcionar as habilidades necesarias para o manexo do smartphone (Android).
• Contidos:
• Actualización do dispositivo e aplicacións.
• WhatsApp.
• Aplicacións: SERGAS, Concello de Vigo, códigos QR,…
• Aplicacións de Google: correo electrónico, notas, calendario,…
• Facer e xestionar fotos. Almacenamento.
• Temporalización:
◦ Duración: 10 sesións. 15 horas.
◦ Datas: os venres, do 4 de outubro ata o 20 de decembro.
◦ Horario: de 18:30 a 20:00.
• Inscrición e participación na actividade:
◦ Inscrición previa (ver proceso de inscrición)
◦ Participación na actividade: condicionada a ter praza confirmada


FORMACIÓN EN IGUALDADE PARA PROFESIONAIS DO EIDO EDUCATIVO E SOCIAL.
• Destinado a: mulleres e homes maiores de idade con perfil profesional nos eidos social e de educación (formal e non formal).
• Formadora: Cristina Rodríguez Ramos, experta en xénero e igualdade de oportunidades.
• Obxectivo: facilitar a incorporación da perspectiva de xénero no traballo cotián dentro dos eidos educativo e social.
• Contidos:
◦ Introdución á perspectiva de xénero. Consecuencias da socialización diferenciada.
◦ A transversalidade aplicada ao ámbito social e da educación: a coeducación.
◦ Elementos clave para a planificación: a comunicación (linguaxe e imaxes), materiais didácticos, habilidades sociais.
◦ Prevención, detección e orientación no ámbito da violencia machista. Como intervir ante un posible caso.
• Metodoloxía e modalidade:
• En liña, a parte teórica (20 horas) soportada sobre Google Classroom e Google Meet. Estas sesións consistirán na exposicións dos contidos, para o que se empregarán documentos, vídeos e outros formatos.
• Presencial, as sesións prácticas que supoñen unha carga lectiva de 5 horas; levaranse a cabo na Casa das Mulleres (r/ Romil, 20) os días 15 e 31 de outubro.
▪ Calendario: os martes e os xoves do 1 ao 31 de outubro de 18:00 a 20:30.
• Acreditación: entregarase un diploma acreditativo do aproveitamento do curso. Para poder obtelo, deberase asistir e ter un aproveitamento do curso de cando menos o 80 %.
• Inscrición e participación na actividade:
◦ Inscrición previa (ver proceso de inscrición. Ficha de inscrición específica).
◦ Participación na actividade: condicionada a ter praza confirmada.

Proceso de inscrición:
• Prazo de inscrición: dende a publicación da presente convocatoria e ata cubrir prazas.
• Ficha de inscrición: deberase cubrir os datos solicitados na ficha de inscrición (descargar en formato editable). O curso de formación en igualdade para profesionais do eido educativo e social ten unha ficha específica (descargar en formato editable).
• Presentación da Ficha de inscrición: enviarase por vía telemática unha ficha asinada por cada unha das actividades solicitadas a casadasmulleres@vigo.org ou ofi.muller@vigo.org
No caso que non sexa posible a vía telemática, farase a entrega presencial da ficha de inscrición asinada na Casa das Mulleres, de luns a venres, 17:30-21:30.
Criterios de admisión nas actividades: Terán preferencia as persoas empadroadas no Concello de Vigo (farase a correspondente comprobación) e que non fixeran ese mesmo obradoiro en pasadas edicións (agás as alumnas do obradoiro de canto para mulleres “Con voz propia”). Logo seguirase o criterio de orde de entrada da solicitude.
Sempre será necesaria a inscrición previa, tendo en conta que se traballará con capacidade limitada.
• Confirmación da praza: unha vez admitida comunicarase por enderezo electrónico ou por teléfono.


Arquivos para descargar:

Cartel coa programación das actividades

Ficha de inscrición xeral (formato editable)

Ficha de inscrición específica para o Curso de formación en igualdade para profesionais do eido educativo e social (formato editable).

ARQUIVOS ADXUNTOS:
programa_Casa_das_Mulleres_setembro_a_decembro.pdf  315 KB
CdM_12___Ficha_xeral_Inscricion_Set24.pdf  365 KB
CdM_12___Ficha_Inscricion_Set24___profesionais.pdf  342 KB