Concello de Vigo: Concellería de Igualdade

Novas

FALLO DO XURADO DO CONCURSO DE FOTOGRAFÍA DIXITAL E MICROVÍDEOS
14/12/2011

A concelleira de Igualdade, Chus Lago xunto con algunha das persoas integrantes do xurado, fixo público o fallo do xurado do Concurso de fotografía dixital e microvídeos que o Consello Municipal da Muller e maila Concellería de igualdade convocaron co gallo da conmemoración do 25 de novembro, Día Internacional contra a violencia de xénero.

Durante a rolda de prensa, eloxiouse a calidade das obras presentadas ao certame e expllicouse que primou na decisión a "orixinalidade" e "capacidade" de sintetizar a mensaxe contra a violencia machista nun filme de 3 minutos e nunha imaxe.

O obxectivo do certame, é fomentar a participación da cidadanía na concienciación social contra a violencia de xénero.

O fallo no certame fotográfico adoptouse por unanimidade e recaeu en Gloria María Fuentes pola obra "Nunca... nin xogando", namentres que o de microvídeos premiou a Míriam Rodríguez Domínguez por "Semella que estou lonxe".

Concedéronse dous accésit na modalidade de microvídeos a:
Diego Méndez Lamas pola obra “Non cales, vive” e
Jesús Ruperto Andrés Tejada pola obra ”Rompe co silencio”

Na canle de youtube canle youtube igualdade Vigo
e no facebook igualdade vigo , están dispoñibles para a cidadanía os traballos galardoados polo xurado do certame, ademais dos accésits concedidos.

Arquivos adxuntos:
Acta co fallo do xurado
Fotografía premiada

ARQUIVOS ADXUNTOS:
FALLO_DO_XURADO.pdf 379 KB
Nunca_nin_xogando_.jpg 3000 KB

		• 8 de Marzo Día Internacional da Muller • 25 de Novembro Día Internacional da eliminación da Violencia contra a Muller
	Novas